الهاكرز--------------السياسة

فى البداية كل سنة والبراشية واهلها طيبين وعيد سعيد

عجبتنى اوى فكرة المنتدى وانه وسيلة للتقريب بين شباب القرية وخلق وسيلة للحوار
والنقاش الهادئ بين العقول

وايمانا منى بكده ورغبة فى نجاح المنتدى والوصول للهدف ده ايه رايكم لو نعرض مواضيع للنقاش ونعرف اراء شباب البراشية ايه وانا اول واحدة هتقترح موضوع

من فترة وعلى مواقع الاخبار استوقفنى خبر بيقول ان فى هاكرز مغربي سيطر على موقع خاص بملهي ليلي اسمه ملهى مكة وصمم النادى الليلى ده على شكل يشبه المسجد بمئذنة وقبة استهزاء منهم بالاسلام والمسلمين وكان الاستيلاء على الموقع لتغيير اسمه واسم الملهى واشتمل على تهديد بالسيطرة على المواقع الحكومية والمهمة للدولة التى يوجد بها الملهى اذا استمروا فى مسلسل الاستهزاء والسخرية من رموز او معتقدات المسلمين

بعد ما اطلعت على الخبر بحثت عن معلومات تخص الهاكرز المغربي ووجدت ان لهم تاريخ مشرف من الاستيلاء على العديد من المواقع الاسرائيلية الهامة وتدميرها ومواقع تانية كتير لدول اتخذت مواقف ظالمة ضد الاسلام او العرب

طيب ده مش موضوعنا دلوقتى..........امال ايه الموضوع

عايزين نفتح باب النقاش للنقاط الجاية دى (اللى عايز يضيف نقاط من عنده يا ريت)

هل العداء بين العرب والمسلمين عامة واعداءنا (اسرائيل خاصة) ممكن يحول النت لساحة قتال بعد فشلها على ارض الواقع وفى اسلوب المواجهة وجها لوجه

وهل السيطرة على المواقع وسيلة فعالة للضغط على السياسين لاتخاذ قرارات من شانها تغيير مجريات الاحداث فى الشرق الاوسط والعالم الاسلامي

هل ممكن فى يوم نلاقى مننا احنا شباب البراشية هاكرز يخدم قضايا الساحة عن طريق النت ولو ممكن ازاى نطور ده مع بعض

فى خبر تانى قراته ان فى هاكرز مصري سيطر على مواقع لاتحاد الكرة الجزائرية والعكس صحيح من قبل الجزائر خلانى اعقد مقارنة بين الهاكرز المصري والهاكرز المغربي

انا نفسي اكون هاكر مغربي انت نفسك ايه؟؟؟؟؟؟؟؟؟؟؟؟؟؟؟؟؟؟؟؟؟

واخيرا تحية اجلال واكبار منى لشباب المغرب لانك استغليت قدراتك واخذت دور ايجابى وعبرت عن رفضك لواقع بنعانى منه (على الاقل موقفش متفرج يا جماعة ولا ايه)